Qazaqstan men Ózbekstan shekarany shegendeý týraly qorytyndy qujat jobasyn daıyndady
16:13, 19 Qarasha 2022
TAShKENT. QazAqparat - 14-19 qarasha aralyǵynda Tashkent qalasynda Qazaqstan-Ózbekstan birlesken demarkatsııalyq komıssııasyndaǵy Qazaqstan men Ózbekstan úkimettik delegatsııalarynyń 100-shi otyrysy ótti. QazAqparat bul týraly QR Syrtqy ister mınıstrligine silteme jasap habarlaıdy.
«Taraptar Qazaqstan Respýblıkasy men Ózbekstan Respýblıkasy arasyndaǵy Qazaqstan-Ózbekstan memlekettik shekarasyn shegendeý týraly sharttyń jobasyn jáne atalǵan Shartqa qosymsha bolyp tabylatyn shekarany demarkatsııalaýdyń qorytyndy qujattarynyń jobalaryn qol qoıýǵa daıyndady.
Sonymen qatar taraptar Qazaqstan-Ózbekstan birlesken demarkatsııalyq komıssııasynyń jumysy týraly qorytyndy hattamaǵa qol qoıdy.
Kelissózder dostyq pen ózara túsinistik sıpatynda ótti», - delingen málimette.