Qazaqstan men Ózbekstan maqta óńdeý klasterin birlese damytady - Serik Jumanǵarın
Búginde qoǵamda ózekti bolyp otyrǵan maqta máselesine qatysty jaǵdaı jeltoqsan aıynda Ózbekstanda ótetin bınes forýmda talqylanbaq. Sondaı-aq, onda Túrkistanda maqta klasterine qatysty kooperatsııalyq jobalardy júzege asyrý jaıy kún tártibine qoıylady.
«Maqta ónimderin óńdeý isinde Ózbekstan Respýblıkasynyń tájirıbesi mol. Ózbekstan búkil maqta tsıklyn jasaǵan el. Sol sebepti eki el birlesip kooperatsııalyq jobalardy Túrkistanda jasaıyq degen usynys bildirdik. Sebebi, Túrkistanda arnaıy ekonomıkalyq aımaq bar, maqta ósiriledi, mamandar da jetkilikti. Ózbekstan jaǵy da bizdiń usynysqa kelisti. Jeltoqsan aıynda ótetin bıznes forýmda bul másele talqylanyp, kooperatsııalyq jobalardy damytý týraly memorandýmǵa qol qoıamyz» - dedi Serik Jumanǵarın.
Sondaı-aq, kezdesýde Túrkistan oblysynda júzege asatyn ózge de jobalar týraly keńinen sóz boldy.
Mınıstrdiń aıtýynsha, óńirde 2025 jylǵa deıin oblystyq balalar aýrýhanasyn, eki perınataldyq ortalyq, Arys qalasynda jedel járdem stantsııasymen qalalyq emhana salý josparlanýda. Sonymen qatar, 20 dárigerlik ambýlatorııa, 23 feldsherlik akýsherlik pýnkt, 6 medıtsınalyq pýnkt, 570 orynǵa arnalǵan kóp beıindi aýrýhana boı kótermek.