Qazaqstan men Ózbekstan kásiporyndary teri óńdeý salasynda áriptestik ornatpaqshy

<p>ASTANA. KAZINFORM &ndash; Qazaqstan-Ózbek iskerlik keńesi otyrysynyń qorytyndysy boıynsha birneshe iskerlik kelisimge qol qoıyldy.</p>

Qol qoıylǵan qujattardyń ekeýi teri óńdeý men aıaq kıim jetkizý máselelerin qamtıdy:

1. Ózbekstan teri-aıaq kıim kásiporyndary qaýymdastyǵy men Qazaqstan teri jáne jún óńdeý qaýymdastyǵynyń arasyndaǵy kelisim;

2. «Sıtonı» jaýapkershiligi shekteýli qoǵamy men «Lomang» jaýapkershili shekteýli seriktestigi arasyndaǵy aıaq kıim ónimi jetkizý týraly kelisimshart.

Aıta ketý kerek, elordada ótken bul jıynda qazaq-ózbek bıznes qaýymdastyǵyn qurý usynyldy. 

«Eki aradaǵy birlesken kásiporyndar sanynyń ósý qarqynyn, ózara áriptestiktiń áleýetin eskerip, Qazaqstan-Ózbek bıznes qaýymdastyǵyn quratyn ýaqyt keldi dep esepteımin. Bul qaýymdastyq bıznes pen memlekettiń tıimdi yqpaldastyǵynyń platformasyna aınala alady. ıAǵnı, eki aradaǵy áriptestik bıznesti qoldaýǵa aıqynyraq baǵyttalady degen sóz. Maǵan búginge deıin Ózbekstanda tirkelip, jumys istep júrgen 20-dan astam bıznes ókili osyndaı komıssııa quryp, memlekettik organdarmen kúndelikti týyndap jatatyn ózekti máseleler boıynsha osy qaýymdastyq arqyly jumys istesek degen ótinishpen júgindi», - dedi Qazaqstannyń Ózbekstandaǵy elshisi Beıbit Atamqulov.