Qazaqstan men Ózbekstan halyqaralyq júk tasymalyn retteýdiń onlaın júıesin engizdi

<p>TAShKENT. KAZINFORM &ndash; Qazaqstan men Ózbekstan halyqaralyq júk tasymalyna beriletin ruqsat qujattaryn almasýdyń elektrondyq júıesin engizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Ózbekstan Kólik mınıstrliginiń málimetinshe, elder arasyndaǵy júk tasymaly protsesin ońtaılandyrý maqsatynda ruqsat blankilerimen almasatyn «E-Permit» elektrondyq júıesi iske qosyldy. 

«E-Permit» júıesin qoldaný arqyly alǵash ret kvotalarmen almasý protsesi júzege asyp, júk kólikteri «ıAllama» keden beketinen ótti. Bul júıeni «Tsıfrlyq kólik» ortalyǵynyń mamandary pılottyq rejımde sátti iske qosty», - dep málim etti ÓR Kólik mınıstrliginen.

Sondaı-aq vedomstvo eki el arasyndaǵy júk tasymalyna qolaıly jaǵdaı jasaý úshin aldaǵy ýaqytta da zamanaýı tsıfrlyq tehnologııalardy keńinen engizýge erekshe kóńil bólinetinin atap ótti.