TAShKENT. KAZINFORM – Ózbekstannyń Tsıfrlyq tehnologııalar mınıstri Sherzod Shermatov pen QR Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev jasandy jerserikterdi birlesip ushyrý jónindegi yntymaqtastyq josparlaryn talqylady, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Foto: ÓR Tsıfrlyq tehnologııalar mınıstrligiKezdesý barysynda eki eldiń vedomstvo basshylary birlesken spýtnıkter tobyn ǵaryshqa ushyrý múmkindigin sóz etti. Tıisinshe, mınıstrler bul bastama boıynsha jyl sońyna deıin tıisti derekterge taldaý júrgizip, naqty usynys ázirleý týraly sheshim qabyldady.
Sonymen qatar, Sherzod Shermatov pen Jaslan Mádıev tsıfrlyq bilim berýdi damytý jáne tsıfrlyq transformatsııa boıynsha óńirlik yntymaqtastyqty nyǵaıtý máselelerin talqylady.
Foto: ÓR Tsıfrlyq tehnologııalar mınıstrligiQosa ketsek, buǵan deıin Qazaqstan men Ózbekstan ǵarysh salasyndaǵy seriktestikti nyǵaıtýǵa nıetti ekenin jazyp edik.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.