TAShKENT. KAZINFORM – «Ózavıatsııa» agenttigi men «Qazaqstannyń avıatsııalyq ákimshiligi» AQ basshylarynyń kezdesýi ótip, onda vedomstvolar arasyndaǵy yntymaqtastyqty nyǵaıtýdyń ózekti máseleleri talqylandy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Kezdesýde Armenııa, Grýzııa, Qazaqstan, Qyrǵyzstan, Mońǵolııa, Moldova, Tájikstan jáne Ózbekstannyń qatysýymen «Azamattyq avıatsııanyń Eýrazııalyq konferentsııasyn» uıymdastyrý máselesi pysyqtaldy.
Foto: Ózbekstan Kólik mınıstrliginiń baspasóz qyzmeti«Azamattyq avıatsııanyń Eýrazııalyq konferentsııasy» bul avıatsııa salasyndaǵy ár el vedomstvolarynyń ózara is-qımyl tujyrymdamasyn aıqyndaıtyn alań sanalady. Onyń barasynda birlesken sheshim qabyldanyp, ortaq máselelerdi eńserýdiń jospary túziledi.
Foto: Ózbekstan Kólik mınıstrliginiń baspasóz qyzmetiQazaqstan men Ózbekstan avıatsııalyq vedomstvolarynyń kezdesý qorytyndysy boıynsha taraptar birlesip «Azamattyq avıatsııanyń Eýrazııalyq konferentsııasyn» uıymdastyrý týraly qujatqa qol qoıdy.
Foto: Ózbekstan Kólik mınıstrliginiń baspasóz qyzmetiEske salaıyq, buǵan deıin Qazaqstan men Ózbekstan arasynda jol qysqartatyn jańa áýe baǵyty ashylǵan edi.
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.