Qazaqstan men Ózbekstan arasyndaǵy shekara syzyǵy 5 km uzarady
16:25, 16 Naýryz 2023
ASTANA. QazAqparat – Qazaqstan men Ózbekstan arasyndaǵy shekara syzyǵy 5 shaqyrymǵa uzarady. Bul týraly Syrtqy ister vıtse-mınıstri Roman Vasılenko Senattyń jalpy otyrysynan keıin aıtty, dep habarlaıdy QazAqparat tilshisi.
«Keıingi 19 jyldaǵy demarkatsııamen baılanysty protsester kezinde shekara syzyǵy ótetin tustar naqtylandy. Bul máselede eki taraptyń da jergilikti halqynyń múddeleri, shekara kúzetiniń qolaıly bolýy eskerildi. Osylaısha shekara syzyǵy 5 shaqyrymǵa uzaryp otyr. Naqty aıtsaq, tutas shekaranyń uzyndyǵy 2356 shaqyrym 666 metr boldy. Osylaısha 5 shaqyrymǵa uzyn bola tústi», - dedi Roman Vasılenko.