Qazaqstan men Ózbekstan arasyndaǵy strategııalyq áriptestikti jáne odastastyqty damytý baǵdarlamasy bekitiledi

<p>ASTANA. KAZINFORM &ndash; Aqordada Qazaqstan-Ózbekstan joǵary memleketaralyq keńesiniń birinshi otyrysy ótip jatyr. Otyrysqa Memleket basshysy Qasym-Jomart Toqaev pen Ózbekstan Prezıdenti Shavkat Mırzıeev qatysty.</p>

«Eń aldymen meniń shaqyrýymdy qabyl alyp, Qazaqstanǵa memlekettik saparmen kelgenińiz úshin Prezıdent Shavkat Mırzıeevke shynaıy rızashylyǵymdy bildiremin. Týysqan ózbek halqynyń basshysyn qazaq jerinde qarsy alý biz úshin úlken qurmet, mártebe. Ózbekstan qazaq eline baýyrlas memleket, tatý kórshi, mańyzdy ári senimdi seriktes. Halyqtarymyzdyń myzǵymas dostyǵy ortaq tarıhqa jáne qundylyqtarǵa negizdelgen», - dedi otyrysty ashqan Qazaqstan Prezıdenti.

Memleket basshysy qazaq-ózbek qatynasy strategııalyq seriktestik jáne odastastyq rýhynda turaqty damyp kele jatqanyn basa aıtty.

«Biz Ózbekstanmen yntymaqtastyqty nyǵaıta túsýge aıryqsha kóńil bólemiz. Byltyr odaqtastyq qatynastar týraly tarıhı shartqa qol qoıdyq. Búgin aldaǵy 10 jylǵa arnalǵan strategııalyq áriptestikti jáne odastastyqty damytý baǵdarlamasyn bekitemiz. Osy mańyzdy qadamdar eki eldiń baılanysyn damytýǵa aıryqsha serpin beredi dep senemiz», - dedi Qasym-Jomart Toqaev.