Qazaqstan men Ózbekstan arasyndaǵy saýda-sattyq kólemi 930 mln dollardan asty

<p>TAShKENT. KAZINFORM &ndash; Bıylǵy úsh aıdyń qorytyndysy boıynsha Qazaqstan Ózbekstannyń negizgi saýda seriktesteriniń úshtiginde qaldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

Qańtar-naýryz aılarynda eldegi syrtqy saýda aınalymy 15,8 mlrd dollarǵa jetip, byltyrǵy kezeńmen salystyrǵanda 6,2%-ǵa ósti.

Ózbekstan Statıstıka agenttiginiń aqparatyna saı, búgingi tańda kórshiles memleket álemniń 184 elimen saýda-sattyq jasaıdy.

Úsh aıdyń qorytyndysy boıynsha eldiń basty saýda seriktesteri kóshin Qytaı bastap tur. Eki memeleket arasyndaǵy taýar aınalymy 3 mlrd dollardan (jalpy kólemniń 19%) asty.

Odan keıingi orynda saýda-sattyqtyń 17,7% úlesi tıesili Reseı tur. Bul elmen aradaǵy ımport-eksport kólemi 2,8 mlrd dollar boldy.

Sonymen qatar kóshbasshylardyń úshtigin Qazaqstan túıindedi. Bizdiń el men Ózbekstan arasyndaǵy taýar aınalymy 937,7 mln dollarǵa (jalpy kólemniń 5,9%) jetti.

Qamtylyp otyrǵan kezeńde Ózbekstan Qazaqstanǵa 294,8 mln dollardyń taýaryn eksporttap, 642,9 mln dollardyń taýaryn ımporttaǵan.