Qazaqstan men Ózbekstan arasyndaǵy óńiraralyq baılanys nyǵaıyp keledi

<p>TAShKENT. KAZINFORM &ndash; Túrkistan oblystyq týrızm basqarmasynyń mamandary men ózbekstandyq &laquo;Zaamın&raquo; demalys aımaǵynyń ókilderi Djızak oblysynda kezdesip, ózara yntymaqtastyq týraly memorandýmǵa qol qoıdy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń menshikti tilshisi.</p>

Qujat ózbekstandyq saıahatshylardyń kıeli Túrkistanda, al qazaqstandyqtardyń Djızaktyń taýly kýrorttyq aımaǵynda demalys ótkizýine múmkindik berýge baǵyttalǵan.

Aıta ketsek, bıyl Túrkistan men Djızak oblystary saýda-ekonomıkalyq qatynastardy tereńdetýge baǵyttalǵan memorandýmǵa qol qoıǵan bolatyn. Sonyń aıasynda isker top ókilderi naryq múmkindikterin jan-jaqty saralaýǵa kóshken.

Foto: Álıhan Asqar/Kazinform

- Túrkistan men Djızak oblystary arasynda baýyrlastyq memorandýmy bar. Sonyń aıasynda úlken nátıjelerge qol jetkizdik. Birlesken jobalardy iske asyrý josparymyz bar. Endi birleseken týrıstik baǵyttardy ashý úshin tıisti ýaǵdalastyqqa qol qoıyp otyrmyz, - dedi Túrkistan oblystyq kásipkerlik jáne ónerkásip basqarmasy basshysynyń orynbasary Qanat Shońbasov.

Sapar aıasynda qazaqstandyq delegatsııa múshelerin Djızak oblysynyń basshylyǵy qabyldady. Onda qos tarap ózara saýda aınalymyn ulǵaıtýǵa nıetti ekenin jetkizdi. Ol úshin oblystarda óndiriletin taýar tizbegin ázirleý, isker toptardyń baılanysyn nyǵaıtý jáne avtobýs qatynasyn iske qosý bastamasy kóterildi.

Foto: Álıhan Asqar/Kazinform

- Túrkistan oblysynan 50 kásipker kelip otyr. 2 kún boıy ınvestıtsııalyq jobalarmen tanysyp, múmkindikterdi saraladyq. Djızaktyń óndiristik áleýetine kýá boldyq. Bastysy taraptar tájirıbe almasyp jatyr, - dep toqtaldy Jetisaı aýdanynyń ákimi Serik Mamytov.

Kezdesý sońynda delegatsııa músheleri bul sapar óńiraralyq ekonomıkalyq baılanystardy damytýǵa tyń serpin beretinin atap ótti.