TAShKENT. KAZINFORM – Memleket basshysy Qasym-Jomart Toqaevtyń Jarlyǵymen Qazaqstan men Ózbekstan arasyndaǵy mádenı qarym-qatynasty nyǵaıtýǵa úles qosqan birqatar tulǵa «Qurmet» jáne «Dostyq» ordenderimen nagradtaldy, dep habarlaıdy Kazinform agenttiginiń Tashkenttegi menshikti tilshisi Álıhan Asqar.
Prezıdent Jarlyǵyna saı, ÓR premer-mınıstriniń orynbasary Jamshıd Hodjaev pen ÓR Mádenıet mınıstri Ozodbek Nazarbekov - «Dostyq», al ÓR Jazýshylar odaǵynyń tóraǵasy Sırojıddın Saııd pen Qazaq mádenı ortalyǵynyń burynǵy tóraǵasy Damır Qaldybaev «Qurmet» ordenimen marapattaldy.
Foto: Qazaqstannyń Ózbekstandaǵy elshiligiEńbegi elengen memleket jáne mádenıet qaıratkerlerine nagradalardy Qazaqstannyń Ózbekstandaǵy Tótenshe jáne Ókiletti elshisi Beıbit Atamqulov tabys etti. Onyń barysynda eki eldiń arasyndaǵy mádenı, ádebı baılanystardyń barynsha nyǵaıyp kele jatqany atap ótildi.
Taraptar aldaǵy ýaqytta da bul baǵyttaǵy qarym-qatynasty ilgeriletip, yntymaqtastyqta jumys isteýge senim bildirdi.
Foto: Qazaqstannyń Ózbekstandaǵy elshiligiFoto: Qazaqstannyń Ózbekstandaǵy elshiligi
Álıhan Asqar
2018 jyly A. Baıtursynov atyndaǵy Qostanaı memlekettik ýnıversıtetin jýrnalıstıka mamandyǵy boıynsha támamdaǵan. Ár jyldary oblystyq Qostanai, respýblıkalyq Astana TV, «Jetinshi arna» telearnalaryndaǵy baǵdarlama jáne jańalyqtar bóliminde qyzmet etti. «QR Prezıdenti teleradıokesheninde» 2022 jyldyń mamyrynan bastap eńbek etedi. 2023 jyldan beri Kazinform agenttiginiń Ózbekstandaǵy menshikti tilshisi.