Qazaqstan men Ózbekstan arasynda jol qysqartatyn jańa áýe baǵyty ashyldy

<p>TAShKENT. KAZINFORM &ndash; Áýe qatynasyn ońtaılandyrý maqsatynda 11 shildeden bastap Ózbekstan men Qazaqstan arasynda reıs oryndaıtyn ushaqtar úshin &laquo;T-916&raquo; dep atalatyn jańa navıgatsııalyq baǵyt ashyldy, dep habarlaıdy <a href="https://kaz.inform.kz/" target="_blank" rel="noopener">Kazinform</a> agenttiginiń Tashkenttegi menshikti tilshisi Álıhan Asqar.</p>

«Ózaeronavıgatsııa» ortalyǵynyń málimetine saı, jańa marshrýt ashylǵan kúni ol arqyly alǵash bolyp nemistiń «Lufthansa» áýekompanııasynyń ushaǵy reıs oryndady.

«Bul marshrýtty qoldaný esebinen qashyqtyq 40 shaqyrymǵa qysqarady jáne jylyna 30-50 tonna avıaotyn únemdeýge bolady. Bul rette, otteginiń shyǵyny 50-70 tonnaǵa kemıdi, al atmosferaǵa bólinetin zııandy shyǵaryndylardyń kólemi jylyna 220-250 tonnaǵa azaıady», - delingen «Ózaeronavıgatsııa» ortalyǵynyń habarlamasynda.

Aıta keteıik, atalǵan navıgatsııalyq baǵytty ashý týraly kelisim «Ózaeronavıgatsııa» jáne «Qazaeronavıgatsııa» kásiporyndary arasynda jasalǵan.