Qazaqstan men Ózbekstan Araldy birlesip qutqarmaq

NÝKÝS. QazAqparat - Araldy qutqarý máselesi boıynsha Qazaqstan men Ózbekstan mamandarynyń birlesken jumys toby qurylady. Bul týraly Ózbekstandaǵy Qazaqstan elshisi Erik Ótembaev Qaraqalpaqstanǵa sapary barysynda belgili boldy, dep habarlaıdy «QazAqparat» HAA menshikti tilshisi.

«Biz Araldy qutqarý boıynsha birlesip áreket etýge kelistik. Qaraqalpaqstannyń  shóleıttenýmen kúreste jetistikteri bar, sondaı-aq osy máselege qarsy túrli ósimdikter ósirý, ásirese sekseýil otyrǵyzýdan jaqsy tájirıbe jınaqtaǵan. Osy baǵyttarda Qazaqstan men Ózbekstan mamandarynyń birlesken jumysy tıimdi ádis tabýǵa múmkindik beredi. Bul rette QR Prezıdentiniń Halyqaralyq Araldy qutqarý qorynyń rólin kúsheıtý boıynsha bastamasy óte mańyzdy», - dep atap ótti E.Ótembaev.

Sondaı-aq, dıplomat taıaý ýaqytta sýdy únemdeýdiń jańa ádisterin jáne ony tıimdi paıdalanýdy zertteý salasynda Qazaqstan men Ózbekstan mamandarynan turatyn jumys toby qurylmaq.