Qazaqstan men Ózbekstan 1-jartyjyldyqqa josparlanǵan sharalar kestesin qarastyrdy
16:45, 18 Aqpan 2021
NUR-SULTAN. QazAqparat - Qazaqstan Respýblıkasy Premer-Mınıstriniń orynbasary - Syrtqy ister mınıstri Muhtar Tileýberdi Nur-Sultan qalasyna jumys saparmen kelgen Ózbekstan Respýblıkasynyń Syrtqy ister mınıstri Abdýlazız Kamılovpen kelissózder ótkizdi, dep habarlaıdy QazAqparat.
«Suhbattastar ekijaqty qarym-qatynastardy jáne halyqaralyq kún tártibindegi ózekti máselelerdi talqylap, qazaq-ózbek strategııalyq seriktestikti tereńdetýdegi ózara yqylasyn rastady. Olar asa joǵarǵy jáne joǵary deńgeıdegi baılanystardyń odan ári keńeıtý mańyzdylyǵyn atap ótti.
Sondaı-aq, taraptar kezdesýde 2021 jyldyń birinshi jartysynda josparlanǵan ekijaqty is-sharalar kestesin qarastyrdy», - dedi Qazaqstan Syrtqy ister mınıstrliginen.