Qazaqstan men Ortalyq Azııa arasyndaǵy saýda aınalymy eselep ósti – Aıdos Sarym

<p>Májilis depýtaty Aıdos Sarym túrki elderi men Ortalyq Azııa memleketteriniń saıası-ekonomıkalyq yntymaqtastyǵy týraly aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi&nbsp;</p>

«Sońǵy birneshe jyldyń ishinde Qazaqstan men Ortalyq Azııa elderiniń arasyndaǵy saýda aınalymy eselep ósti. Onyń ósýine sol memleket basshylary, bıznes ókilderi men halqynyń yqpaly zor. Bizdiń birligimizdiń taǵy bir formaty – C5=1. Bul bizdiń álemdegi sýbektiligimizdiń tanylýy. Bizdi álemniń moıyndaýy. Ońtústik Koreıa bastaǵan format kezinde mınıstrler deńgeıinde bolsa, qazir prezıdentter deńgeıine jetti. C5=1 elderiniń basshylary AQSh prezıdentimen kezdesip, keshendi kelisimderge qol jetkizip jatyr», - dedi Májilis depýtaty Aıdos Sarym elordada ótip jatqan túrki memleketteri uıymyna múshe elder ókilderimen kezdesýde.

Sondaı-aq halyq qalaýlysy Ońtústik Koreıada ótken kezdesýde Ortalyq Azııa elderimen turaqty ótetin jınalys formaty jasaqtalǵanyn aıtty.

«Kelesi otyrys baýyrlas el Túrikmenstan astanasy Ashhabadta ótedi. Ondaǵy ıdeologııa atqarýshy bılik qansha degenmen bir jyldyń bıýdjetimen júredi. Keıde máselelerge nazar aýdarylmaıtyn sııaqty. Al Parlament músheleri 5-6 jylǵa saılanǵandyqtan olardyń ýaqyty bar. Biz osy formatty basqa da iri oıynshylarǵa usynýǵa daıynbyz. Bizdiń Parlamentte myndaı qaǵıdat bar, túrki birligine qatysty kez kelgen shart ratıfıkatsııalanýy tıis. Túrki memleketteri parlament basshylary jylyna 7-8 ret kezdesý ótkizip júr. Ol óziniń jemisin berip jatyr. Túrki halyqtary óte myqtymyz. Tarıhymyzda orasan qıyndyq kórdik. Sonyń árqaısysynan kúsh aldyq, el retinde saqtalyp qaldyq, Táýelsizdigimizdi aldyq», - deıdi ol.

Aıta keteıik, búgin Astanada túrki memleketteri uıymyna múshe jáne baıqaýshy memleketterdiń resmı syrtqy saıası zertteýler ortalyqtarynyń 9 kezdesýi ótip jatyr.