Qazaqstan men Orta Azııanyń damýy jónindegi CSIS baıandamasy jarııa boldy

ASTANA. QazAqparat - Strategııalyq jáne halyqaralyq zertteýler ortalyǵynda Orta Azııa elderiniń damýyn baǵalaýǵa arnalǵan birqatar saraptamalyq baıandamalar jaryq kórdi. Bul týraly búgin Ortalyq kommýnıkatsııalar qydmetiniń brıfıngisinde belgili boldy.

«Strategııalyq jáne halyqaralyq zertteýler ortalyǵy Orta Azııa elderiniń qazirgi damýy jaıly birqatar saraptamalyq baıandamalar ázirledi. Qazaqstan, Qyrǵyzstan, Tájikstan, Túrkimenstan jáne Ózbekstan boıynsha jeke-jeke baıandama jasaldy. Ár baıandama obektıvti jáne naqty derekterge súıene otyryp jazylǵan. Sebebi, baıandamalardy jasaý úshin ortalyq qyzmetkerleri osy elderdegi memlekettik organ qyzmetkerlerimen, qoǵam qaıratkelerimen, ǵalym, sarapshylarmen suhbattar uıymdastyrǵan. ıAǵnı, bul ádis zertteýge alynǵan elderdiń áleýmettik jaǵdaıyn anyq baıqaýǵa múmkindik berdi»,-dedi brıfıng barysynda QR Tuńǵysh Prezıdenti kitaphanasy dırektorynyń orynbasary Tımýr Sháımergenov. Onyń aıtýynsha, zertteý avtorlary bir eldiń ǵana emes, bir aımaqtyń qazirgi damýyna baǵa berýge tyrysqan. «Qazir baıandamalardy aǵylshyn tilinde elektrondy nusqada oqýǵa bolady. Al, aldaǵy ýaqytta Orta Azııa elderiniń tilderine aýdarý josparda bar»,-dedi ol.