Qazaqstan men Ońtústik Koreıa elderi arasynda jańa áýe baǵyttary ashylady

<p>ASTANA. KAZINFORM -&nbsp;<strong>Qazaqstan men Ońtústik Koreıa elderi arasyndaǵy áýe reısteriniń sany artyp, jańa áýe baǵyttary ashylady</strong><strong>.</strong></p>

Kólik mınıstrligi baspasóz qyzmeti Seýlde (Koreıa Respýblıkasy) Qazaqstan Kólik vıtse-mınıstri Talǵat Lastaevtyń Koreıa Respýblıkasy Jer, ınfraqurylymy jáne kólik mınıstriniń orynbasary ıÝn Sang Lımen ekijaqty kezdesýi ótkenin málimdedi. 

Foto: Kólik mınıstrligi

Kezdesý barysynda taraptar Astana men Seýl arasyndaǵy reısterdi qaıta bastaý, Almaty – Seýl baǵyty boıynsha oryndalatyn reısterdi ulǵaıtý, sondaı-aq Shymkentten Seýlge jáne Pýsan men Qazaqstan qalalary arasyndaǵy reısterdi ashý máselesin talqylap ýaǵdalasty. 

Foto: Kólik mınıstrligi

Sonymen qatar Talǵat Lastaev T' Way tómen bıýdjettik áýe kompanııasynyń jáne Sirius Airlines júk áýe kompanııasynyń basshylyǵymen kezdesý ótkizdi. Kezdesý barysynda koreıalyq tasymaldaýshylar Qazaqstanǵa ushýǵa nıetti ekenin bildirdi.