Qazaqstan men Ońtústik Koreıa arasynda áýe reısteri kóbeıedi

<p><strong>ALMATY. KAZINFORM — Almatyda Qazaqstan men Koreıanyń avıatsııalyq bıligi kelissóz júrgizdi. </strong></p>

Qazaqstan Kólik mınıstrligi Azamattyq avıatsııa komıtetiniń tóraǵasy Saltanat Tompıeva Koreıa Respýblıkasy Azamattyq avıatsııa keńsesiniń bas dırektory Iong Kook Kımmen kezdesti.

Kelissóz nátıjesinde taraptar elder arasyndaǵy ruqsat etilgen reısterdiń jalpy sanyn aptasyna 10-nan 42-ge deıin ulǵaıtýǵa kelisti.

Foto: Azamattyq avıatsııa komıteti

Sondaı-aq aptasyna 40 júk reısin, onyń ishinde «áýe erkindiginiń» besinshi dárejesin paıdalaný quqyǵyn berý týraly kelisimge qol jetkizildi.

Kelissóz barysynda baǵyttar men taǵaıyndalǵan tasymaldaýshylar sanyna qoıylǵan shekteý alynyp tastaldy, bul básekeni arttyrýǵa jáne elder arasyndaǵy ushý geografııasyn keńeıtýge múmkindik beredi.

Foto: Azamattyq avıatsııa komıteti

Taraptar áýe tasymaldaýshylarynyń eki eldiń astanalary arasynda tikeleı áýe qatynasyn ornatý nıetin qoldady.

Foto: Azamattyq avıatsııa komıteti