Qazaqstan men Ońtústik Koreıa zańsyz mıgranttar máselesin talqylady

SEÝL. QazAqparat - Qazaqstan Respýblıkasy jáne Koreıa Respýblıkasy syrtqy saıası vedomstvolary arasynda Konsýldyq máseleler jónindegi konsýltatsııalarynyń 5-shi otyrysy ótti, dep habarlaıdy QazAqparat QR Syrtqy ister mınıstrliginiń baspasóz qyzmetine silteme jasap.

Qazaqstan delegatsııasyn SІM Konsýldyq qyzmet departamentiniń dırektory Taýboldy Úmbetbaev, al koreı tarapyn SІM Sheteldegi kárister isteri jáne konsýldyq máseleleri jónindegi bıýronyń bas dırektory Vý In Shık basqardy. Іs-sharaǵa sondaı-aq eki eldiń múddeli quzyretti organdarynyń ókilderi de qatysty.

«Atalǵan konsýltatsııalar barysynda eki eldiń konsýldyq salasynda týyndaǵan birqatar ózekti máseleler talqylandy. Atap aıtqanda, Ońtústik Koreıanyń aýmaǵyna Qazaqstan azamattaryn kirgizbeı keri qaıtarý, zańsyz eńbek mıgranttardyń qalyptasýyna jol bermeý jáne onyń sheshý joldary, eki el azamattarynyń ózaralyq negizde quqyqtaryn qorǵaý, shart-quqyqtyq bazany keńeıtý jáne taǵy basqa eki tarapqa ortaq ózekti máseleler talqylandy», - delingen habarlamada.

Konsýltatsııalardyń nátıjesi boıynsha taraptar jadnama jazbalarmen almasty.