Qazaqstan men Oman Sultandyǵy arasynda birlesken komıssııa qurylady

ASTANA. QazAqparat – Qazaqstan men Oman Sultandyǵy arasyndaǵy ár saladaǵy yntymaqtastyqty damytý úshin birlesken arnaıy komıssııa qurylýy múmkin. Tıisti kelisim qujaty «Ashyq» NQA portalynda jarııalandy, dep habarlaıdy QazAqparat tilshisi.

«2023 jyldyń 1 aqpanynda Maskat qalasynda jasalǵan QR Úkimeti men Oman Sultandyǵynyń Úkimeti arasyndaǵy Qazaqstan-Oman birlesken komıssııasyn qurý týraly kelisim bekitilsin. Komıssııa taraptardyń zańnamasyna sáıkes, teń quqyqtyq jáne ózara paıda qaǵıdattary negizinde ekijaqty saýda-ekonomıkalyq, mádenı-gýmanıtarlyq, tehnologııalyq, ǵylymı, týrıstik jáne bilim berý, sondaı-aq ózara qyzyǵýshylyq týdyratyn basqa da salalardaǵy yntymaqtastyqty keńeıtýge járdem kórsetýge jáne taraptar arasyndaǵy yntymaqtastyqty iske asyrý jónindegi is-qımyldy úılestirýge baǵyttalǵan», - dep jazylǵan kelisim qujatynyń jobasynda.

Komıssııa quzyretine myna mindetter kiredi:

- taraptar arasynda ózara tıimdi ekijaqty saýda-ekonomıkalyq, mádenı-gýmanıtarlyq, tehnologııalyq, ǵylymı, týrıstik jáne bilim berý yntymaqtastyǵynyń nátıjelerin qaraý jáne taldaý;

- ekijaqty saýda-ekonomıkalyq, mádenı-gýmanıtarlyq, tehnologııalyq, ǵylymı, týrıstik jáne bilim berý salalaryndaǵy yntymaqtastyqty ornatýǵa jáne iske asyrýǵa járdemdesý;

- ekijaqty saýda-ekonomıkalyq, mádenı-gýmanıtarlyq, tehnologııalyq, ǵylymı, týrıstik jáne bilim berý yntymaqtastyǵyn tereńdetý jáne odan ári damytý boıynsha usynymdar ázirleý;

- taraptardyń zańnamasyna sáıkes, ekijaqty saýda-ekonomıkalyq, mádenı-gýmanıtarlyq, tehnologııalyq, ǵylymı, týrıstik jáne bilim berý yntymaqtastyǵyn damytýǵa baǵyttalǵan basqa da mindetterdi oryndaý.

Qujatta kórsetilgendeı, komıssııanyń jumysyn úılestirý baǵytyndaǵy mindetterge eki eldiń Syrtqy ister mınıstrligi jaýapty bolady.

Qujat 10 sáýirge deıin kópshilik talqylaýda bolady.