Qazaqstan men Oman arasynda tikeleı áýe reısi ashylady
09:34, 28 Aqpan 2023
ASTANA. QazAqparat - 2023 jylǵy 1 shildeden bastap aptasyna 2 reıs jıiligimen Maskat-Almaty baǵyty boıynsha tikeleı turaqty reıs ashylmaq, dep habarlaıdy QazAqparat Indýstrııa mınıstrligine silteme jasap.
«Azamattyq avıatsııa komıteti Oman avıatsııalyq bıligimen birlesip «Salam Air» áýekompanııasynyń turaqty jolaýshylar reısterin ashý máselesin pysyqtady. Qazaqstan men Oman arasynda áýe qatynasynyń ashylýy elder arasyndaǵy saýda-ekonomıkalyq, týrıstik jáne mádenı yntymaqtastyqty damytýǵa yqpal etetin bolady», - delingen habarlamada.