Qazaqstan men Norvegııa júk tasymalyn deldalsyz júrgizedi

ASTANA. QazAqparat - QR Parlament Senatynyń depýtattary «Qazaqstan men Norvegııa úkimetteri arasyndaǵy halyqaralyq avtomobıl tasymaly jónindegi kelisimdi ratıfıkatsııalaý týraly» zań jobasyn talqylap shyqty, dep habarlaıdy QazAqparat tilshisi.

«Norvegııamen aradaǵy júkter men jolaýshylar tasymaly týraly kelisimniń mańyzy zor. Sebebi dál qazir ol tasymaldar Reseı men Belarýs arqyly júrgiziledi. Al kelisimniń negizinde Qazaqstan men Norvegııa bir-birine ruqsat berip, tikeleı jumys isteı alady. Osynyń arqasynda bizdiń júk pen jolaýshy tasymaldaýshylaryna qosymsha jumys tabylady. Negizi, sońǵy bir jyldyń ishinde eki el arasyndaǵy avtomobıl tasymaly 53 paıyzǵa ósti. Sondyqtan zańdy qabyldaǵannan keıin osy saladaǵy baılanys kúsheıe túsedi», - dedi depýtat Erik Sultanov ekonomıkalyq saıasat, ınnovatsııalyq damý jáne kásipkerlik komıtetiniń keńeıtilgen otyrysy aıasynda.

Aıta ketken jón, otyrys barysynda «Qazaqstan Respýblıkasynyń Úkimeti men Ózbekstan respýblıkasynyń Úkimeti arasyndaǵy 2006 jylǵy 20 naýryzdaǵy halyqaralyq avtomobıl baǵdary jónindegi kelisimge ózgerister men tolyqtyrýlar engizý hattamasyn ratıfıkatsııalaý týraly» zań jobasy qaraldy. Komıtet músheleri eki qujatty da palatanyń plenarlyq otyrysyna engizýdi uıǵardy.