Qazaqstan men Mońǵolııa arasynda arnaıy áýe reısteri qatynaıdy
13:54, 10 Tamyz 2021
ALMATY. QazAqparat – Óz eline qaıtqysy keletin Mońǵolııa azamattary repatrıatsııalyq reısterdi paıdalana alady, dep habarlaıdy QazAqparat Almaty qalasy polıtsııa departamentiniń baspasóz qyzmetine silteme jasap.
Qazaqstan Respýblıkasynyń Mońǵolııadaǵy Elshiligi men «HunnuAir» áýe kompanııasy 2021 jyldyń 14 tamyzy Ulanbatyr – Nur-Sultan – Ulanbatyr jáne 19 tamyz kúni Ulanbatyr – Almaty – Ulanbatyr baǵyttary boıynsha arnaıy reıster uıymdastyrýdy josparlap otyr.
«Joǵaryda atalǵan arnaıy reıster Mońǵolııaǵa qaıtqysy keletin Qazaqstan azamattary men Qazaqstanda turýǵa yhtııarhaty bar Mońǵolııa azamattary jáne olardyń otbasylaryn qabyldaýǵa daıyn. Odan bólek, Qazaqstanǵa kóshi-qon zańnamasyn buzyp kelgen Mońǵolııa azamattary da repatrıatsıondyq reıstermen óz eline orala alady. Ol úshin olarǵa Qarasaı batyr kóshesi 109a meken-jaıy boıynsha Almatynyń polıtsııa departamentiniń kóshi-qon basqarmasyna júginý kerek», - dedi Almaty PD-de.