Qazaqstan men Majarstan SІM basshylary strategııalyq áriptestiktiń damýyn talqylady
15:08, 16 Sáýir 2020
NUR-SULTAN. QazAqparat – Búgin Majar tarapynyń bastamasymen QR Syrtqy ister mınıstri Muhtar Tileýberdi Majarstan Syrtqy ekonomıkalyq baılanystar jáne syrtqy ister mınıstri Peter Sıııartomen telefon arqyly sóılesti, dep habarlaıdy QazAqparat syrtqy saıasat vedomostvosynyń baspasóz qyzmetine silteme jasap.
2020 jyly 10 sáýirde beıne-konferentsııa formatynda ótken Túrkitildes memleketteri yntymaqtastyq keńesiniń kezekten tys Sammıtiniń qorytyndylary kelissózderdiń negizgi taqyrybyna aınaldy. Atap aıtqanda, qazirgi COVID-19 pandemııasy jaǵdaıynda túrkitildes elderdiń ózara ári qaraı belsendi árekettestigi sózge tıek boldy. Majar tarapy QR Prezıdenti Qasym-Jomart Toqaevtyń kórshi memleketter – Qyrǵyzstan men Tájikstanǵa 5 myń tonna un jetkizý arqyly gýmanıtarlyq kómek kórsetý týraly sheshimin joǵary baǵalady.
Suhbat barysynda taraptar máselelerdiń keń aıasy boıynsha strategııalyq áriptestikti qarqyndatýǵa kelisip, onyń ishinde saýda-ekonomıkalyq yntymaqtastyqqa erekshe kóńil bóldi.