Qazaqstan men Majarstan qaı salalarda yntymaqtastyq ornatty
«Biz óz elderimizdegi pandemııamen baılanysty jaǵdaıdy talqyladyq, oǵan qosa ekonomıkalyq máseleler, mádenı yntymaqtastyq, bilim berý salasyndaǵy yntymaqtastyq týraly áńgimelestik. Úlken qýanyshpen ekonomıkanyń qaıtadan qarqyndy jumys isteı bastaǵanyn aıttyq jáne bul bizdiń ekijaqty baılanystardy damytý úshin óte jaqsy múmkindikterdi usynady», - dedi Mıhaı Varga QR Syrtqy ister mınıstrliginde ótken kezdesýde.
Spıker Qazaqstanǵa sapary aıasynda majar kásipkerleriniń úlken delegatsııasy kelgenin aıtty.
«Bıznes-forýmǵa 50-den astam majar kásipkerleri qatysty, olar óz seriktesterimen yntymaqtastyq týraly kelisimge qol qoıdy. Naqty usynystarǵa keletin bolsaq, Majarstan úkimeti energetıka, sý sharýashylyǵy, medıtsına salasyndaǵy yntymaqtastyqqa senim artyp otyr», - dep tolyqtyrdy Mıhaı Varga.
Aıta keteıik, QR Premer-Mınıstriniń orynbasary – Syrtqy ister mınıstri Muhtar Tileýberdi Majarstan Premer-mınıstriniń orynbasary, Qarjy mınıstri Mıhaı Vargamen kezdesti. Qazaqstandyq mınıstr qos memleket arasyndaǵy saıası dıalog joǵary deńgeıde ekenin, Qazaqstan men Majarstan bir-biriniń halyqaralyq arenadaǵy bastamalary men kúsh-jigerin qoldap kele jatqanyn aıtqan edi.