Qazaqstan men Majarstan atom energııasy boıynsha maman daıarlaý týraly qujatqa qol qoıady

ASTANA. QazAqparat – Jaqyn arada Qazaqstan men Majarstan birqatar vedomstvoaralyq qujatqa qol qoıady. Bul týraly elordada ótken baspasóz máslıhatynda Syrtqy ister mınıstrliginiń resmı ókili Aıbek Smadııarov málim etti, dep habarlaıdy QazAqparat tilshisi.

«2023 jylǵy 26-27 qańtarda Býdapesht qalasynda (Majarstan) Ekonomıkalyq yntymaqtastyq jónindegi Qazaqstan-Majarstan úkimetaralyq komıssııasynyń segizinshi otyrysy ótedi. Komıssııanyń qazaqstandyq jaǵynyń teń tóraǵasy – QR Ulttyq ekonomıka mınıstri Álibek Qýantyrov, al Majarstannan Qarjy mınıstri Mıhaı Varga bolady. Komıssııa otyrysynda Qazaqstan-Majarstan Іskerlik keńesiniń otyrysyn ótkizý, birqatar vedomstvoaralyq qujatqa qol qoıý josparlanyp otyr. Olardyń ishinde Qazaqstan Respýblıkasynyń Energetıka mınıstrligi men Majarstannyń Mádenıet jáne ınnovatsııalar mınıstrligi arasynda atom energııasyn beıbit maqsatta paıdalaný salasynda kadrlardy daıarlaý ári oqytý jónindegi ózara túsinistik týraly memorandýmǵa qol qoıylady», - dedi A. Smadııarov.

Onyń aıtýychnsha, eki eldiń ókilderi Stipendium Hungaricum majar stıpendııalyq baǵdarlamasy aıasyndaǵy yntymaqtastyq máselesin talqylaıdy. Osy baǵdarlama aıasynda majar tarapy 250 grant bóledi (110 – bakalavrıat, 90 – magıstratýra, 30 – bakalavrıat + magıstratýra jáne 20 – doktorantýra granty).

Budan buryn habarlanǵandaı, 2023 jylǵy 23-24 qańtarda Tashkent qalasynda Ekonomıkalyq yntymaqtastyq uıymynyń Syrtqy ister mınıstrleri keńesiniń 26-shy otyrysy ótedi. Іs-sharaǵa QR Premer-Mınıstriniń orynbasary – Syrtqy ister mınıstri Muhtar Tileýberdi qatysady.

Foto: www.greenpeace.ch