Qazaqstan men Majarstan arasyndaǵy áýe reısi maýsym aıynda qaıta jandanady

NUR-SULTAN. QazAqparat – Bıyl jaz kezinde Qazaqstan men Majarstan arasynda áýe baılanystary jandanady. Bul týraly elordada QR Premer-Mınıstriniń orynbasary – Syrtqy ister mınıstri Muhtar Tileýberdimen kelissózderden keıin Majarstan Syrtqy ekonomıkalyq baılanystar jáne syrtqy ister mınıstri Peter Sııarto málim etti, dep habarlaıdy QazAqparat tilshisi.

«Bizdiń elder astanalary arasyndaǵy «Býdapesht-Nur-Sultan» tikeleı áýe baılanysy bıylǵy maýsym aıynda qaıtadan jandanatyn bolady. Sonymen qatar, «Býdapesht-Nur-Sultan-Beıjiń» áýe baılanysy qosylady», - dedi P. Sııarto.

Onyń aıtýynsha, koronavırýs jaǵdaıynda vaktsınalaý óte mańyzdy bolyp otyr.

Majarstan mınıstri vaktsınanyń birinshi komponentin alǵanyn, taıaý arada ekinshi komponentin alýǵa baratynyn aıtty.

Budan buryn habarlanǵandaı, búgingi kelessiózderden keıin taraptar eki el arasyndaǵy birneshe qujatqa qol qoıdy.

Aıta keteıik, Ortalyq Azııa óńirinde majar kompanııalarynyń múmkindikteri keńeıtilmek.