Qazaqstan men Marokko azamattary endi elge vızasyz kire alady

<p>ASTANA. KAZINFORM &ndash; Qazaqstan men Marokko vızalyq talaptardan bosatý týraly kelisimge qol qoıdy. Bul týraly QR Syrtqy ister mınıstrliginiń baspasóz qyzmeti málim etti.&nbsp;</p>

BUU Bas Assambleıasynyń 79-shy sessııasy aıasynda Qazaqstan Respýblıkasy Premer-Mınıstriniń orynbasary — Syrtqy ister mınıstri Murat Nurtileý Marokko Koroldiginiń Syrtqy ister, afrıkalyq yntymaqtastyq jáne sheteldegi marokkolyqtar jónindegi mınıstri Naser Býrıtamen ekijaqty kezdesý ótkizdi. Mınıstrler saıası, saýda-ekonomıkalyq, ınvestıtsııalyq jáne mádenı-gýmanıtarlyq salalardaǵy ekijaqty qatynastardyń qazirgi ahýaly men perspektıvalaryn talqylady.

Foto: QR SІM

«Kelissózderdiń qorytyndysy boıynsha taraptar Qazaqstan Respýblıkasynyń Úkimeti men Marokko Koroldiginiń Úkimeti arasyndaǵy ulttyq/jalpyazamattyq pasporttardyń ıelerin vızalyq talaptardan bosatý týraly kelisimge qol qoıdy», — delingen habarlamada. 

Atalǵan Kelisim eki el azamattarynyń saparlaryn jeńildetýge baǵyttalǵan jáne ekijaqty qatynastardy odan ári nyǵaıtýǵa yqpal etedi. Kelisimge sáıkes, Qazaqstan jáne Marokko azamattary jaramdy ulttyq/jalpyazamattyq pasporttardyń negizinde eki eldiń aýmaǵyna kirý, shyǵý, tranzıtpen ótý jáne ýaqytsha bolý úshin vızalyq talaptardan bosatylady.

Ár elde bolý merzimi kirý sátinen bastap 180 kúnniń ishinde 30 kúntizbelik kúnnen aspaýy tıis.