Qazaqstan men Marokko arasynda vızasyz rejım engizilmek

<p>ASTANA. KAZINFORM — Qazaqstan men Marokko Koroldigi arasynda vızasyz rejım engizilmek. Eki el úkimetteriniń ulttyq jáne jalpyazamattyq pasporttardyń ıelerin vızalyq talaptardan bosatý týraly <a href="https://legalacts.egov.kz/npa/view?id=15084490" target="_blank" rel="noopener">kelisim jobasy</a> ashyq normatıvtik-quqyqtyq aktiler portalynda jarııalandy.</p>

Qazaqstan atynan Premer-Mınıstrdiń orynbasary — Syrtqy ister mınıstri Murat Nurtileý rásimdeıtin kelisim dostyq qarym-qatynasty nyǵaıtý jáne eki memleket arasyndaǵy týrızm salasyndaǵy yntymaqtastyqty damytý maqsatynda ázirlengen.

Bul rette bir tarap memleketiniń azamattary jaramdy jalpyulttyq jáne jalpyazamattyq pasport negizinde ekinshi tarap memleketiniń aýmaǵyna kelý, ketý, tranzıtpen ótý, ýaqytsha júrip-turý úshin vıza talaptarynan bosatylady. 

Bul jaǵdaıda árbir kelip-ketý kezeńiniń uzaqtyǵy olar kelgen kúnnen bastap 180 kún ishinde kúntizbelik 30 kúnnen aspaýy tıis.

Bul rette atalǵan merzimnen uzaq ýaqytqa keletin azamattar dıplomatııalyq ókildikten nemese konsýldyq mekemelerinen tıisti vızany alýy qajet bolady.

Kelisim 25 maýsymǵa deıin qoǵamdyq talqyǵa shyǵarylyp otyr.