Qazaqstan men Latvııa arasyndaǵy júk aınalymy 23%-ǵa artty

ALMATY. QazAqparat - Ótken jyldarmen salystyrǵanda Qazaqstan men Latvııa arasyndaǵy júk aınalymynyń kólemi 23%-ǵa artty. Bul týraly Latvııanyń Kólik mınıstriniń orynbasary Ýldıs Reımanıs aıtty, dep habarlaıdy QazAqparat tilshisi.

Spıker kólik aınalymy negizinen Qazaqstannan keletin temirjol tranzıttik júkter, ásirese, kómir esebinen artqanyn atap ótti. Sonymen qatar, Latvııadan ótetin ferroqorytpalar da aınalymnyń ósýine áser etti.

«Biz bıyl taýar aınalymyn taǵy 10%-ǵa ulǵaıtsaq dep oılap otyrmyz. Tasymaldaý jaǵynan ázirge eshqandaı qıyndyq joq, barlyq máseleniń sheshimi bar. Biz búgin Qazaqstan delegatsııasymen tasymaldaý, jyldam jáne kedendik qyzmet kórsetý taqyrybyn talqylaımyz. Infraqurylymǵa keler bolsaq, ol tranzıttik tasymaldaýǵa qatysty barlyq máselelerge sáıkes keledi», - dedi Ýldıs Reımanıs «NEW SILK WAY» V Halyqaralyq kóliktik-logıstıkalyq bıznes forýmynda.

Ýldıs Reımanıs atalmysh forým aıasynda eki eldiń delegattary teńiz jáne temirjol tasymaldaryn damytýdy talqylaǵanyn, sondaı-aq, Qazaqstan men Latvııany mýltımodaldyq tasymaldar baılanystyratynyn atap ótti.