Qazaqstan men Qytaı ushaq apaty kezinde jolaýshylardy izdeý salasynda yntymaqtastyqty nyǵaıtady

ASTANA. QazAqparat – Májilis depýtattary Qazaqstan men Qytaı úkimetteriniń arasynda azamattyq avıatsııa kemelerin izdestirý jáne qutqarý salasyndaǵy yntymaqtastyq týraly zań jobasy maquldady, dep habarlaıdy QazAqparat tilshisi.

Qujattyń resmı ataýy – Qazaqstan Respýblıkasynyń Úkimeti men Qytaı Halyq Respýblıkasynyń Úkimeti arasyndaǵy azamattyq áýe kemelerin avıatsııalyq izdestirý jáne qutqarý salasyndaǵy yntymaqtastyq týraly kelisimdi ratıfıkatsııalaý týraly» zań jobasy.

Qujatty QR Indýstrııa jáne ınfraqurylymdyq damý mınıstriniń mindetin atqarýshy Almaz Ydyrysov tanystyrdy.

Onyń sózine qaraǵanda, kelisimniń basty maqsaty – eki el aýmaǵynda apatqa ushyraǵan áýe kemeleriniń jolaýshylary men ekıpajdaryn Halyqaralyq azamattyq avıatsııa uıymynyń ІSAO standarty boıynsha izdestirý.

«Mindetterine toqtalsam, apatqa ushyraǵan áýe kemeleriniń jolaýshylary men ekıpajyn izdestirip, qutqarý úshin memleketterdiń arasnydaǵy yntymaqtastyqty nyǵaıtý, avıatsııalyq oqıǵalar týraly ózara aqparat almasyp, habarlaý, apat bolǵan jaǵdaıda izdestirý sharalaryn qabyldaý, eki taraptyń izdestirý-qutqarý qyzmetteriniń birlesken oqý-jattyǵýlaryn, ótkizip, aqparat pen tájirıbe almasý kózdeledi. Kelisim birlesken izdestirý, qutqarý operatsııalaryn júrgizýdiń normatıvtik negizin, izdestirý aýdandarynyń shekarasyn, kelisimdi iske asyrýǵa jaýapty quzyretti organdardy aıqyndaıdy jáne taraptardyń oqıǵa bolǵan jaǵdaıda ózara zabar almasýyn, izdestirý operatsııasyna kómektesýin qarastyrady», - dedi Almaz Ydyrysov.

Májilis depýtattary zań jobasyn maquldady.