Qazaqstan men Qytaı prezıdentteri «Qazaqstan – Qytaı: myńjyldyq dıalog» atty kórmeni tamashalady

NUR-SULTAN. QazAqparat - Qasym-Jomart Toqaev pen Sı Tszınpın «Qazaqstan – Qytaı: myńjyldyq dıalog» atty kórmeni tamashalady, dep habarlaıdy QazAqparat BORT№1 Telegram kanalyna silteme jasap.

Resmı kelissózder aıaqtalǵannan keıin memleketter basshylary eki eldiń kóne zamannan búginge deıingi tarıhı, mádenı baılanystaryna arnalǵan Qazaqstan – Qytaı: myńjyldyq dıalog» atty kórmeni tamashalady.

Kórmege Qazaqstan Respýblıkasy Ulttyq mýzeıi, Ortalyq memlekettik mýzeı, Tuńǵysh Prezıdent mýzeıi jáne Á.Qasteev atyndaǵy Memlekettik óner mýzeıi qorlarynan 40-qa jýyq arheologııalyq jádiger, sondaı-aq sándik qoldanbaly jáne beıneleý óneriniń zattary qoıylǵan.

Qazaqstan men Qytaı basshylaryna qazaq-qytaı halyqtarynyń materıaldyq jáne rýhanı mádenıetiniń damý sabaqtastyǵyn kórsetetin bes bólimnen turatyn kórmeniń qurylymy tanystyryldy.

Foto: t.me/bort_01