Qazaqstan men Qytaı aýyl sharýashylyǵy jónindegi shaǵyn komıtet qurady - AShM

ASTANA. QazAqparat - Qazaqstan men Qytaı aýyl sharýashylyǵy jónindegi birlesken shaǵyn komıtet quratyn bolady. Atalǵan jumys organy AÓK-tiń ózekti máselelerin jedel qaraıtyn jáne eki el arasyndaǵy saladaǵy yntymaqtastyqty tıimdi damytatyn bolady. Bul týraly QR AShM basshysy Erbol Qarashókeev QHR Aýyl sharýashylyǵy jáne aýyldyq ister mınıstriniń orynbasary Ma ıÝsıanmen kezdesýi kezinde málimdedi, dep habarlaıdy QazAqparat.

Aıta keteıik, qazirgi ýaqytta Qytaıǵa agroónimderdi eksporttaýda veterınarııalyq shekteýler, sondaı-aq qazaqstandyq jáne qytaılyq standarttar arasyndaǵy aıyrmashylyqtarǵa baılanysty kedergiler bar.

Buǵan deıin Erbol Qarashókeev QHR-ǵa sapary aıasynda tıimsiz saýda tásilderin qaıta qaraýdy jáne búkil aýmaqpen eksportty shektemeı, epızootııalyq qaýipsizdik boıynsha eki eldiń aımaqtandyrylýyn tanýǵa kóshýdi usynǵan bolatyn. Atap aıtqanda, mınıstrdiń bul bastamasy ShUAA basshylyǵynyń qoldaýyna ıe boldy.

AShM basshysy qytaılyq áriptestermen kezdesý kezinde Dúnıejúzilik janýarlar densaýlyǵy uıymy Qazaqstannyń 5 aımaǵyn (Shyǵys Qazaqstan, Almaty, Túrkistan, Qyzylorda, Jambyl, sondaı-aq Jetisý jáne Abaı oblystary) vaktsınalardy qoldana otyryp, aýsyl boıynsha qolaıly dep tanyǵanyn atap ótti. Ol sondaı-aq joǵaryda atalǵan aımaqtardan et eksportyn toqtatpaǵan Parsy shyǵanaǵy elderiniń tájirıbesin mysalǵa keltirdi.

Mınıstr jaqyn arada QHR-ǵa muzdatylǵan et jetkizý qaıta jandanyp, sondaı-aq salqyndatylǵan sıyr, qoı, shoshqa eti, iri qara maldyń terisi men qosalqy ónimderge arnalǵan veterınarııalyq talaptardy men hattamalardyń jobalaryn qaraý boıynsha kelissózderdiń bastalatynyna úmittenetinin aıtty.

Sonymen qatar, taraptar qus eti men qus sharýashylyǵy ónimderin eksporttaý jónindegi talaptardy kelisý boıynsha jumysty qaıta bastaýdy talqylady. Ótken jyly Qazaqstanda qus tumaýynyń órshýi bolǵan joq. Aıta keteıik, elimiz bul vırýsqa qarsy vaktsınatsııa júrgiziletin sanaýly memlekettiń biri.

Kelissóz barysynda talqylanǵan taǵy bir taqyryp Qytaıdyń Shyǵys Qazaqstan oblysyna zerthanalyq qural-jabdyqtardy jetkizý máselesi boldy. Erbol Qarashókeev Qytaı tarapyna Qazaqstannyń Qytaımen shektesetin basqa aımaqtaryna da osyndaı tehnıka jetkizý múmkindigin qarastyrýdy usyndy.

Sondaı-aq, kún tártibinde Ortalyq Azııa elderiniń aldaǵy Sammıti jáne birqatar kópjaqty qujattarǵa qol qoıý máselesi tur.

Aıta keteıik, jyl basynan beri QR men QHR arasyndaǵy AÓK óniminiń taýar aınalymy bir jyl burynǵy kezeńmen salystyrǵanda 58% artyp, 265,5 mln dollardy qurady.