Qazaqstan men Qytaı arasyndaǵy ótkizý pýnktteri ashyldy

NUR-SULTAN. QazAqparat - Qytaıdan júk tasymaldaýmen aınalysatyn azamattar baqylaý-ótkizý pýnktine elektrondy kezek júıesinde tirkelmeı kirý múmkindigi úshin shekaralas aımaqtaǵy jaǵdaıdy ýshyqtyrýǵa tyrysýda. Bul respýblıkalyq mańyzy bar avtomobıl jolynda kóliktik kollaps jasaý arqyly kórinis tapty. Bul týraly QR QM Memlekettik kirister komıtetiniń baspasóz qyzmeti habarlady.

MKK mundaı azamattardy shekaradan ótkizý, onyń ishinde elektrondy kezek júıesi sheńberinde taýarlardy ótkizýdiń belgilengen tártibin saqtaýǵa shaqyrady.

Eske sala keteıik, baqylaý-ótkizý pýnktine kelýdi retteý úshin protsestiń ashyqtyǵyn jáne shyǵyndardyń tómendeýin qamtamasyz etetin elektrondy kezek júıesi engizilgen bolatyn. Endi kezekti aldyn ala GoCargo.kz veb-saıtynda nemese mobıldi qosymsha arqyly brondaýǵa bolady. Júıede «keri baılanys» siltemesi bar, tasymaldaýshylardy SMS habarlamalary arqyly habardar etedi.

Júıede tirkelgen kólik quraldarynyń barlyq tizimin, sondaı-aq aǵymdaǵy kúni shekaradan ótýdi kútken kólik quraldary (ATS) týraly málimetter kórsetiledi.

Elektrondyq kezek shtattyq rejımde jumys isteýde. Jalpy, aǵymdaǵy jyldyń 23 qazanynan bastap, osy ýaqytqa deıin elektrondy kezek júıesi arqyly baqylaý beketinen 1069 AKQ ótken, táýligine orta eseppen 23 AKQ.

Buryn habarlanǵandaı, pandemııa bastalǵannan beri Qytaı Qazaqstannan kólikterdi kirgizýge shekteýler engizdi.

Kúndelikti qazaqstandyq taraptan 20-ǵa jýyq AKQ qabyldandy. Keptelis kúsheıe túsip, «Nur joly» baqylaý-ótkizý beketindegi kezek 40 shaqyrymnan asyp jyǵyldy.

Keptelis bastalǵannan beri birqatar shuǵyl sharalar qabyldandy. Kelissózder Qytaıdyń ortalyq memlekettik organdary deńgeıinde de, Qytaıdyń ShUAA ákimshiligi deńgeıinde de ótkizildi.

Respýblıkada engizilgen tótenshe jaǵdaıǵa baılanysty jabylǵan Qytaımen ótkizý pýnktteri ashyldy.

Qytaı tarapynyń epıdemıologııalyq qaýipsizdikti qamtamasyz etý týraly qorqynyshyn eskere otyryp, júkterdi Qazaqstandyq kólik-logıstıkalyq ortalyqqa ishki kólikke ári qaraı qaıta tıeý jáne olardyń baratyn jerine qaraı jetkizý arqyly kontaktisiz mehanızmdi engizý týraly QR Úkimeti deńgeıinde tıisti sheshim qabyldandy.

Bul sharalar, sonyń ishinde júkterdi kontaktisiz tasymaldaý mehanızmin engizý, Qytaı qabyldaǵan kólikterdiń sanyn kóbeıtýge múmkindik berdi.

Sonymen birge, aǵymdaǵy jyldyń 10 qarashasynan bastap Qytaı qazaqstandyq taraptan kólikterdi qabyldaýdy shektedi.

Qabyldanǵan AKQ sanynyń tómendeý sebepteri, sondaı-aq Qytaı tarapynan eksporttyq taýarlardyń qozǵalysyna tyıym salý týraly resmı aqparat bolǵan joq.

Qazaqstan Respýblıkasynyń memlekettik organdary, sonyń ishinde Qazaqstannyń Qytaıdaǵy Elshiligi qytaılyq tarappen taýarlar men kólik quraldarynyń ótkizý pýnktterinen ótýin arttyrý boıynsha kelissózderdi jalǵastyrýda.