Qazaqstan men Qyrǵyzstan arasynda shekara jaqsy bekitilgen – depýtat

ALMATY. QazAqparat – Qyrǵyz Úkimeti shekara bıýdjetin negizinen qyrǵyz - tájik shekarasyna jumsaıdy. Bul týraly Parlament Májilisiniń depýtaty Samat Nurtaza Facebook paraqshasynda jazdy, dep habarlaıdy QazAqparat tilshisi.

Depýtattyń aıtýynsha, Qazaqstan men Qyrǵyzstan arasynda shekara jaqsy bekitilgen.

«Jambyl oblysy men Almaty oblysy túıisetin qazaq - qyrǵyz shekarasynyń eń bıik beketine keldik. Bizdiń Qyrǵyz memleketimen shekaramyz jaqsy bekitilgenine kózim jetti. Bıik qorshaý, sym temir, keıbir jerde elektr toqtary bar, baqylaý munaralary da az emes. Al Qyrǵyz memleketi tarapynan jáı bir adam boıymen birdeı sym qorshaý, boldy. Basqa eshteńe joq.

Basty sebep: «Qyrǵyz Úkimeti shekara bıýdjetin qyrǵyz - tájik shekarasyna jumsaıdy» degen jaýap aldyq. ıAǵnı «Baýyrlas qazaq halqyna senedi» degen sóz», - deıdi Samat Nurtaza.

Ol sondaı-aq qazaq - qyrǵyz shekarasyndaǵy Kenesary han men batyrlaryna arnalǵan eskertkishtiń basynda bolyp, Quran baǵyshtaǵanyn jazdy.

Eske salaıyq, Parlament Májilisiniń depýtattary Oljas Quspekov, Maksım Rojın, Bolat Kerimbek jáne Samat Nurtaza Almaty taýlarynda bolashaq shekarashy kýrsanttarmen áskerı daıyndyqtan ótken edi. Samat Nurtaza aldaǵy ýaqytta Maksım Rojın ekeýi Jambyl oblysymen shektesetin Qyrǵyzstan shekarasyna, Oljas Quspekov pen Bolat Kerimbekov Jetisý oblysymen shektesetin Qytaı shekarasyna baratynyn aıtqan edi.