Qazaqstan men Kýveıt arasynda áýe qatynasy ashyldy

NUR-SULTAN. QazAqparat - Almaty men El-Kýveıt qalalary arasynda aptasyna 2 turaqty áýe reısi jasalýda, dep habarlaıdy QR IIDM baspasóz qyzmeti.

«Qazaqstan Respýblıkasynyń aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimine sáıkes 2021 jylǵy 1 jeltoqsannan bastap Kýveıttiń «Jazeera Airways» áýe kompanııasy A320/A20N áýe kemesimen Almaty men El-Kýveıt qalalary arasynda jańa baǵyt boıynsha aptasyna 2 turaqty reıs oryndaýdy bastady» delingen habarlamada.

Reıster sanıtarlyq-epıdemıologııalyq talaptardy qatań saqtaı otyryp jáne áýe kompanııasynyń saıtynda jarııalanǵan kestege sáıkes oryndalady.

Atalǵan baǵyt elder arasyndaǵy saýda-ekonomıkalyq yntymaqtastyqty, týrızm men iskerlik áriptestikti damytýǵa yqpal etedi.