Qazaqstan men Koreıa zııatkerlik kólik júıesin damytýda ózara yntymaqtastyq ornatty

ASTANA. QazAqparat - QR IDM Kólik komıteti men Ońtústik Koreıanyń Zııatkerlik kólik júıesi arasynda ózara túsinistik týraly Memorandýmǵa qol qoıyldy. Memorandýmnyń maqsaty Zııatkerlik kólik júıelerin (ITS) zertteý, josparlaý, ilgeriletý men damytý máseleleri jónindegi eki taraptyń yntymaqtastyǵyn nyǵaıtý.

QR IDM baspasóz qyzmetiniń habarlaýynsha, bul turǵyda ǵylymı-zertteý, bilim berý jáne saýda yntymaqtastyǵyna basa kóńil bólinedi.

Memorandým aıasynda eki tarap ózara is-qımyldyń negizgi baǵyttaryn aıqyndady. Onda ITS-ti qoldaný jóninde aqparat almasýdy retteý, birlesken zertteý jumystaryn júrgizý, tehnologııalyq synaqtar ótkizý jáne basqa da máseleler qamtylady.
 

Qazaqstanda ITS  kólik paıdalanýshylaryn, ınfraqurylym men kólikti  biriktiredi. Onyń basty maqsaty - joldaǵy qaýipsizdikti arttyrý. Elimizde jekelegen ýchaskelerde aqy tóleý jáne avtomattandyrylǵan ólsheý quraldary sııaqty ITS komponentteri iske qosylǵan. Beıne baqylaý jáne jol erejelerin buzǵandardy anyqtaý, joldarda aýa raıynyń klımattyq jaǵdaılaryna taldaý jasaý jáne boljaý júıelerin engizý jumystary atqarylyp jatyr.