Qazaqstan men Koreıa Respýblıkasy mýltıplıkatsııalyq fılmder salasynda tájirıbe almasady
Bul týraly QazAqparat QR Aqparat jáne qoǵamdyq damý mınıstrliginiń Telegram kanalyna silteme jasap habarlaıdy.
Memorandým sheńberinde taraptar arasynda tájirıbe almasý, televızııalyq jobalardy iske asyrý úshin qolaıly jaǵdaılar jasaý, anımatsııalyq mýltfılmder shyǵarý boıynsha dárister, master-klastar men trenıngter ótkizý kózdelgen.
Aıta ketý kerek, agenttik 1998 jyly qurylǵan jáne «Erekshe bilim berý qajettilikteri bar balalar men jasóspirimderge arnalǵan anımatsııa akademııasy» jobasyn júzege asyrýda.
Memorandýmnyń maqsaty – bilim alýdaǵy teńsizdikti qysqartý, áleýmettik beıimdelýge járdemdesý, sondaı-aq jumys oryndaryn qurý jáne múmkindigi shekteýli azamattardy jumysqa ornalastyrý bolyp tabylady.
2021 jylǵy 12 naýryzda Qazaqstan Táýelsizdiginiń 30 jyldyǵyna oraı QR Aqparat jáne qoǵamdyq damý mınıstrliginiń bastamasymen «Qazaqstan RTRK» AQ «Balapan» telearnasynyń janynan erekshe bilim berý qajettilikteri bar balalarǵa arnalǵan áleýmettik anımatsııalyq ashylǵan bolatyn.
Mundaı joba Ortalyq Azııada alǵash ret júzege asyrylýda, onda Qazaqstan, Japonııa jáne Ońtústik Koreıanyń úzdik mýltıplıkatorlary mektep qatysýshylaryn oqytatyn bolady.
Mektep erekshe bilim berý qajettilikteri bar balalarǵa olardyń áleýmettik beıimdelýine yqpal etetin jańa bilim men daǵdylardy alýǵa múmkindik beredi.
Aıta keteıik, joba talantty túlekterdiń bolashaqta jumysqa ornalasý múmkindigin qarastyrady.
«Balapan» telearnasynyń janynan qurylǵan anımatsııalyq mekteptiń ereksheligi, oqýdan keıin balalar muǵalimdermen baılanystaryn nyǵaıtyp, qajet jaǵdaıda keńes ala alady.
Búgingi tańda Qazaqstanda anımatsııalyq dızaın salasy qarqyndy damyp keledi. Sonymen qatar, mundaı jumys fızıkalyq damý erekshelikteri bar adamdar úshin yńǵaıly bolýy mýmkın.