Qazaqstan men Qyrǵyzstannyń avıatsııalyq izdestirý salasynda yntymaqtastyǵy nyǵaıady
«Zań 2022 jylǵy 26 mamyrda Bishkek qalasynda jasalǵan Qazaqstan Úkimeti men Qyrǵyzstan Mınıstrler kabıneti arasyndaǵy avıatsııalyq izdestirý jáne qutqarý salasyndaǵy yntymaqtastyq týraly kelisimdi ratıfıkatsııalaýǵa baǵyttalǵan. Halyqaralyq azamattyq avıatsııa týraly konventsııanyń 12-qosymshasyn oryndaýǵa arnalǵan. Kelisimniń maqsaty - Halyqaralyq azamattyq avıatsııa uıymynyń (IKAO) standarttary men usynylatyn praktıkasyna sáıkes apattyq jaǵdaıdaǵy nemese apatqa ushyraǵan áýe kemeleriniń jolaýshylary men ekıpajdaryn izdestirý jáne qutqarý úshin memleketterdiń izdestirý-qutqarý qyzmetteri arasyndaǵy yntymaqtastyqty nyǵaıtý. Osy Kelisim shektes memleketterdiń áýe kemelerin izdestirý jáne qutqarý salasyndaǵy is-qımyldaryn úılestirýge yqpal etedi», - dedi senator Alısher Satvaldıev.
Atap aıtqanda, kelisimniń erejeleri kelesideı:
- apatqa ushyraǵan áýe kemeleriniń jolaýshylary men ekıpajdaryn izdestirý. Sonymen birge, qutqarý jumystary úshin eki memlekettiń izdestirý-qutqarý qyzmetteri arasyndaǵy yntymaqtastyqty nyǵaıtý;
- avıatsııalyq oqıǵalar týraly ózara habarlaý. Apatqa ushyraǵan áýe kemelerin, jolaýshylar men ekıpajdardy izdestirý boıynsha sharalar qabyldaý;
- eki taraptyń izdestirý-qutqarý qyzmetteriniń birlesken oqý-jattyǵýlaryn ótkizý, aqparat jáne tájirıbe almasý.
«Kelisim aıasynda eki jaq birlesken izdestirý-qutqarý operatsııalaryn júrgizýdiń normatıvtik negizin anyqtaıdy jáne izdestirý jáne qutqarý aýdandarynyń shekarasyn aıqyndaıdy. Qujatta kelisimdi iske asyrýǵa jaýapty quzyretti organdar belgilenedi. Qazir avıatsııalyq oqıǵalar úshin «Qazaeronavıgatsııa» bazasynda 27 áýeaılaq pen qoný alańdarynda tikushaq kezekshiligi uıymdastyrylǵan. Qajet bolǵanda qutqarý jumystaryna Qorǵanys mınıstrliginiń tikushaqtary da tartylýy múmkin. Halyqaralyq standarttar boıynsha bilim alǵan qyzmetkerler jáne táýlik boıy jumys isteıtin baılanys quraldary qarastyrylǵan. Sonymen qatar, Іzdestirý-qutqarýdy úılestirý ortalyǵy quryldy. Іzdestir-qutqarý operatsııalaryn uıymdastyrý úshin Qorǵanys mınıstrliginiń parashıýttyq-dısanttyq toptary jáne Tótenshe jaǵdaılar mınıstrliginiń izdestirý-qutqarý komandalary birlesip jumys atqarýǵa ázir. Kelisimdi ratıfıkatsııalaý Qazaqstan men Qyrǵyzstan aýmaǵynda avıatsııalyq izdestirý jáne qutqarý jumystaryn jedel uıymdastyrýǵa, osy saladaǵy ekijaqty yntymaqtastyqty nyǵaıtýǵa yqpal etedi», - dedi depýtat.