Qazaqstan men Qyrǵyzstan Jambyl oblysyna sý jiberý jóninde kelisti

<p>Qazaqstan men Qyrǵyzstan Jambyl oblysynyń sýarmaly jerine sý berý&nbsp; jóninde kelisti. Bishkekte ótken kezdesýde elimizdiń múddesin Sý resýrstary jáne ırrıgatsııa mınıstri Nurjan Nurjigitov qorǵady. Kelissóz qorytyndysy boıynsha Talas ózenindegi &laquo;Túıte&raquo; kanaly arqyly sý berýdi qalpyna keltirý jóninde sheshim qabyldandy, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

QR Sý resýrstary jáne ırrıgatsııa mınıstri Nurjan Nurjigitovtiń Qyrǵyz Respýblıkasynyń Aýyl sharýashylyq mınıstri Asqarbek Jánibekovpen kezdesýi kezinde Shý jáne Talas ózenderindegi memleketaralyq sý sharýashylyǵy qurylystaryn paıdalaný jónindegi birlesken komıssııaǵa tıisti tapsyrma berildi.

Sondaı-aq, Nurjan Nurjigitov elimizge sý jiberýdi jaqsartý úshin memleketaralyq paıdalanýdaǵy sý sharýashylyǵy nysandarynyń tizbesin keńeıtý qajettigin atap ótti.

Máselen, qazaqstandyq tarap osy tizbege Kúrkiresý ózenindegi qurylystarymen «Aqmolda», «Qarataqy» jáne «Tómentamǵa» arnalaryn, Shý ózenindegi «Kolos» kanalyn jáne Talas ózenindegi qurylystarymen birge «Koj» kanalyn engizýdi usynady.

Foto: Sý resýrstary jáne ırrıgatsııa mınıstrligi

«Ózderińiz biletindeı, bıyl Jambyl oblysynyń sharýalary Shý jáne Talas ózenderiniń basseınderinde sýarmaly sý tapshylyǵyn sezindi. Sondyqtan osyndaı jaǵdaı qaıtalanbas úshin qyrǵyz áriptesterimizben birge Shý jáne Talas ózenderiniń basseıninde kelesi vegetatsııalyq kezeńdi durys josparlaý boıynsha jumysty aldyn ala jasaý óte mańyzdy», – dedi Nurjan Nurjigitov.

Shý jáne Talas ózenderinde memleketaralyq sý sharýashylyǵy qurylystaryn paıdalaný jónindegi birlesken komıssııanyń kelesi otyrysy 14 jeltoqsanda Almaty qalasynda ótedi.

Esterińizge sala keteıik, osyǵan deıin Nurjan Nurjigitov ózbekstandyq áriptesterimen kezdesýde 1 sáýirge deıin Túrkistan jáne Qyzylorda oblystaryna 11,1 tekshe shaqyrym sý, onyń ishinde Aral teńizine 1,6 mlrd tekshe metr sý jiberý týraly kelisimge kelgen bolatyn.