Qazaqstan men Qyrǵyzstan sporttaǵy ózekti máselelerdi talqylady
Atalǵan vedmstvo málim etkendeı, jıyn barysynda taraptar eki el sportshylary arasyndaǵy birlesken oqý-jattyǵý jıyndaryn ótkizýdi, ulttyq sport túrlerin jandandyrýdy jáne bıyl elimizde ótetin 5-shi Dúnıejúzilik kóshpendiler oıyndaryna daıyndyq barysyn sóz etti. Sonymen qatar sport salasyndaǵy ózekti máselelerdi talqylady.
«Qazaqstan men Qyrǵyzstandy tarıhı tamyry, san ǵasyrlyq dostyǵy, tilderiniń, mádenıeti men dástúrleriniń uqsastyǵy baılanystyrady. Eki el arasyndaǵy sport salasyndaǵy belsendi yntymaqtastyqty erekshe atap ótken jón. 2021 jylǵy naýryzda Qyrǵyz Respýblıkasynyń Prezıdenti Sadyr Japarovtyń Qazaqstanǵa jasaǵan resmı saparynda Ulttyq sport túrleri men halyq oıyndaryn damytý týraly kelisimge qol qoıylǵan bolatyn. Óz kezeginde, Qazaqstan men Qyrǵyzstannyń sport uıymdary sporttyq bilim berý, sporttyq medıtsına, oqý-jattyǵý jıyndary máseleleri boıynsha jemisti yntymaqtastyǵyn jalǵastyryp keledi. 2023 jyly jazǵy olımpıadalyq sport túrleri boıynsha Qazaqstan ulttyq quramasynyń sportshylary Qyrǵyz Respýblıkasynyń aýmaǵynda 4 halyqaralyq jarysqa, 10 oqý-jattyǵý jıynyna qatysty», - dedi Ermek Marjyqpaev.
Kezdesý barysynda Ermek Marjyqpaev Altynbek Maqsutovty bıylǵy qyrkúıek aıynyń 8-14 kúnderi elordada ótetin 5-shi Dúnıejúzilik kóshpendiler oıyndarynyń ashylý saltanatyna qatysýǵa arnaıy shaqyrdy.
Dúnıejúzilik kóshpendiler oıyndary alǵash ret Qyrǵyzstanda ótti. Sondyqtan Astanadaǵy oıyndarda Qyrǵyz Respýblıkasy úlken dodanyń ashylý saltanatynda sportshylar sherýin ashý quqyǵyn saqtaıdy (Grekııa jáne Olımpıada oıyndary analogııasynda), sondaı-aq avtorlyǵy ataqty qyrǵyz kompozıtory Emıl Kenjequlovqa tıesili Ánuran oryndalady.
Sóz sońynda Ermek Marjyqpaev búgingi kezdesý eki el arasyndaǵy yntymaqtastyqty odan ári nyǵaıtýǵa óz úlesin qosatynyna senim bildirdi.