Qazaqstan men Qyrǵyzstan shekarasynda bir tonna sút zańsyz ótkizilmek bolǵan

<p>TARAZ. KAZINFORM - Jambyl oblysyndaǵy &laquo;Qordaı&raquo; Veterınarııalyq baqylaý beketinde qajetti veterınarııalyq ilespe qujatsyz Qyrǵyz Respýblıkasynyń aýmaǵynan el aýmaǵyna bir tonna sút ónimin ákelýge tyrysqan avtokólik ustaldy.</p>

QR Aýyl sharýashylyǵy mınıstrligi baspasóz qyzmetiniń málimetinshe, bul buzýshylyqty memlekettik veterınarııalyq-sanıtarııalyq ınspektor Qujattamalyq baqylaý protsesinde anyqtaǵan.

Júrgizýshilerge aıyppul salynyp, júkter jóneltý pýnktine qaıtaryldy.

2024 jyldyń basynan bastap shekaranyń Qazaqstan-Qyrǵyz ýchaskesinde ornalasqan Veterınarııalyq baqylaý beketterinde veterınarııalyq ilespe qujattardyń bolmaýyna baılanysty anyqtalǵan quqyq buzýshylyqtar týraly 77 akt jasaldy. Ákimshilik aıyppuldar 3,2 mln teńgeden asty.

«Qordaı» BKP-da 50 ákimshilik materıal resimdeldi, 2,2 mln teńge aıyppul óndirildi.

Buǵan deıin Qarjy mınıstrligi Qazaqstan-Qytaı shekarasyndaǵy «kepteliske» qatysty túsinikteme bergenin jazǵan bolatynbyz.