Qazaqstan men Kia Corporation avtomobıl jasaý óndirisin birlesip damytý týraly kelisimge qol qoıyldy
Delegatsııa quramyna Syrtqy ister, Densaýlyq saqtaý, Indýstrııa jáne ınfraqurylymdyq damý mınıstrlikteri, «KAZAKH INVEST» UK» AQ, «SK-Farmatsııa» ókilderi, sondaı-aq kásipkerler men bıznes-qaýymdastyqtar ókilderi kirdi.
Sapar aıasynda qazaqstandyq delegatsııa «KIA», «SK», «Doosan», «KIGAM», «GL Rapha», «Youngsan», «OFE», «Dongil»«Motrex», «SsangYong», «Hi Air Korea» sııaqty jetekshi koreıalyq kompanııalardyń basshylyǵymen kezdesti. Kezdesýler barysynda mashına jasaý, farmatsevtıka, TMK, energetıka jáne qurylys sııaqty salalarda iske asyrylyp jatqan jáne keleshegi bar birlesken jobalar talqylandy.
Ótken jyldyń qorytyndysy boıynsha eki el arasyndaǵy taýar aınalymy $6 mlrd-tan asty, al Koreıadan Qazaqstanǵa tartylǵan tikeleı sheteldik ınvestıtsııalardyń (TShI) kólemi 2022 jyly shamamen $1,5 mlrd boldy, bul Qazaqstan men Koreıa arasyndaǵy ekonomıkalyq qatynastardyń tarıhynda rekordtyq kórsetkish bolyp otyr.
Sonymen qatar Koreıa Respýblıkasynyń saýda, ındýstrııa jáne energetıka mınıstri Lı Chhang ıAngpen kezdesý ótti. Áńgime barysynda Qazaqstan-Koreıa ekijaqty ekonomıkalyq yntymaqtastyǵynyń ózekti máseleleri talqylandy. Qazaqstannyń Ońtústik Koreıanyń kapıtaly men tehnologııalaryn tartýǵa qyzyǵýshylyǵy joǵary ekeni atap ótildi.
«Ekonomıkalyq ózara is-qımyldyń basym baǵyttary – energetıka, TMK, mashına jasaý, elektr tehnıkasy, aýyl sharýashylyǵy, farmatsevtıka, kólik ınfraqurylymy, bilim berý jáne týrızm. Bizdi Ońtústik Koreıanyń elektrondy ónerkásip, mashına jasaý, jańartylatyn energııa kózderi jáne «jasyl» ekonomıka salalaryn damytýdaǵy ozyq tájirıbesi qyzyqtyrady. Ońtústik Koreıanyń birqatar kompanııasy qazirdiń ózinde bizdiń elimizde energetıka, ınfraqurylym jáne basqa da salalar boıynsha jobalardy iske asyrýǵa belsendi túrde qatysýda», — dedi Premer-Mınıstrdiń birinshi orynbasary.
Jumys sapary aıasynda yntymaqtastyq týraly birqatar birlesken qujatqa qol qoıyldy, onyń ishinde «Vehicles Almaty» JShS-men «Youngsan Corporation» kompanııasynyń ónimderin lokalızatsııalaý, ońtústik koreıalyq «Motrex» jáne qazaqstandyq «Sar Wagon Wheels» kompanııalarymen birlesip mýltımedıalyq qurylǵylar shyǵarý jónindegi kelisimge qol qoıyldy.
Sondaı-aq QR Premer-Mınıstriniń birinshi orynbasary Roman Sklıar men Kia Corporation prezıdenti jáne CEO-sy Ho Sýn Son myrzanyń arasynda Qazaqstan Respýblıkasynyń avtomobıl jasaý óndirisin birlesip damytý, lokalızatsııalaýdy tereńdetý jáne ınjener kadrlardy oqytý týraly kelisimge qol qoıyldy.