Qazaqstan men Kanadanyń áskerı yntymaqtastyq máseleleri talqylandy
22:30, 25 Naýryz 2022
NUR-SULTAN. QazAqparat - Qorǵanys mınıstrliginde Halyqaralyq yntymaqtastyq departamenti bastyǵynyń orynbasary polkovnık Valerıı Vıshnıkın Kanadanyń Reseı Federatsııasy jáne Qazaqstan Respýblıkasyndaǵy qosa atqarýshy Áskerı attashesiniń orynbasary 2-dárejeli kapıtan Ronald Gotemen kezdesti. Bul týraly QazAqparat Qorǵanys mınıstrligine silteme jasap habarlaıdy.
Taraptar bilim berý salasyndaǵy yntymaqtastyqtyń damý kókjıegin, tildik daıarlyq, bitimgershilik bólimshelerdiń áleýeti men múmkindikterin arttyrý máselelerin talqylady.
Qazaqstan men Kanadanyń áskerı yntymaqtastyǵy bitimgershilik qyzmetke negizdelgen. Osy turǵyda BUU-nyń bitimgershilik bastamalaryn ilgeriletýdegi Kanadanyń rólin atap ótken jón.