Qazaqstan men Kanada energetıkadaǵy tehnologııa boıynsha yntymaqtastyqty nyǵaıtpaq

<p>ASTANA. KAZINFORM &ndash; Búgin &laquo;Astana&raquo; halyqaralyq qarjy ortalyǵynda birqatar energetıkalyq kompanııanyń qyzmetkerleri Qazaqstannyń salalyq vedomstvolary men kvazımemlekettik sektor ókilderimen kezdesti. Іs-sharaǵa Kanadadan kelgen delegatsııa qatysty.&nbsp;</p>

QR Energetıka vıtse-mınıstri Erlan Aqkenjenovtyń aıtýynsha, búgingi jıynda Qazaqstan men Kanada arasyndaǵy yntymaqtastyqtyń keńeıýine erekshe mán berildi. 

«Alberta provıntsııasynda (Kanada) munaı men gazdyń eń baı qory shoǵyrlanǵan. Olar kúnine shamamen tórt mln barrel shamasynda óndiredi. Bul kórsetkish Qazaqstan óndiretin deńgeıden sál artyq. Sondyqtan enegetıka salasyndaǵy bizdiń qarym-qatynas nyǵaıa túsedi degen oıdamyz», - dedi vıtse-mınıstr. 

Búgingi kelissóz mıssııasy quramyna Albertanyń energııa óndirý, ınnovatsııa jáne ekologııalyq qaýipsizdik salasyndaǵy bıznes ókilderi, sondaı-aq kanadalyq kommertsııalyq korporatsııanyń (Canadian Commercial Corporation) delegattary kirdi. Sondaı-aq, mıssııaǵa Kanada energetıkalyq forýmynyń, Ońtústik Alberta polıtehnıkalyq ınstıtýtynyń jáne «De Havilland» avıaóndirýshisiniń ókilderi qosyldy. Olar Astana qalasynda áleýetti qazaqstandyq seriktestermen birqatar kelissózge qatysty. 

Kanadalyq Alberta provıntsııasynyń Eńbek, ekonomıka jáne saýda mınıstri Aarıdj Bashır Qazaqstannyń energetıka salasy boıynsha álemdik naryqtaǵy rólin atap ótti. 

Onyń paıymynsha, Qazaqstan men Kanadany qorshaǵan orta men klımatqa qatysty uqsastyǵy ǵana emes, sondaı-aq energetıkalyq sektordyń ósý áleýeti men onyń turaqtylyǵy baılanystyryp tur.

«Energetıkalyq sektorda Kanada parnıktik gaz shyǵaryndylaryn azaıtýǵa, óndiris ádisterin neǵurlym turaqty etýge kóp kóńil bóldi. Alberta provıntsııasy Kanadada osy tehnologııalardyń kópshiligin damytý jolynda shynymen aldyńǵy orynda kele jatyr. Meniń oıymsha, bul tehnologııalardy Qazaqstanda qoldanýdyń áleýeti joǵary», - dedi Aarıdj Bashır.
Óz kezeginde «Bolashaq» qaýymdastyǵy keńesiniń tóraǵasy Jánibek Katrenov búgingi jıyn barysynda energetıka, tehnologııa, ekologııaǵa qatysty mańyzdy usynystar bolatynyn aıtty.

«Kanadanyń energetıka salasyndaǵy tehnologııalyq tájirıbesi bar ekenin bilemiz. Osydan birneshe aı buryn metallýrgııa forýmy kezinde Qazaqstanǵa kanadalyq delegatsııa da keldi. Sol kezde jańartylatyn energııa kózderi, onyń ishinde (ıadrolyq) energııa týraly taqyryptar da talqylandy», - dedi J. Katrenov.