Qazaqstan men Kanada arasyndaǵy taýar aınalymy 700 mln dollardan asty
«Taýar aınalymy aıtarlyqtaı tabysty ári serpindi damyp keledi. Ókinishke qaraı, 2020 jyly quldyraý boldy. Pandemııa taýar aınalymyna aıtarlyqtaı ózgertýler engizdi. 2019 jyl jaqsy dınamıka kórsetse, al 2021 jyl barlyq úmittimizdi jelge ushyrdy. 2021 jyly 380 mln dollar tikeleı ınvestıtsııa tartyp, taýar aınalymyn 700 mln dollarǵa jetkizdik. Bıylǵy qańtar-tamyz aılarynda taýar aınalymy 700 mln dollardan asty jáne osy jyldyń qorytyndysynda 1 mlrd dollarǵa jetkizemiz degen úmitimiz bar», - dedi Qazaqstannyń Kanadadaǵy Elshisi Aqylbek Kamaldınov Qazaqstan-Kanada Іskerlik keńesiniń V mereıtoılyq otyrysynda.
Kezdesýdi uıymdastyrýshylardyń dereginshe, Qazaqstannan Kanadaǵa eksport atalǵan kezeńde 3,6 esege ósip, 609,2 mln AQSh dollaryn qurady.
Aqylbek Kamaldınovtyń aıtýynsha, Qazaqstan odan ári óńdeý úshin Kanada naryǵyna ýran jetkizýde birinshi orynda tur. Jalpy, kanadalyq bıznes-qoǵamdastyqtyń Qazaqstan ekonomıkasynyń túrli salalaryna úlken qyzyǵýshylyǵy bar.