Qazaqstan men Izraıl arasynda vızany alyp tastaý máselesi talqylandy
17:10, 24 Qarasha 2019
IERÝSALIM. QazAqparat - Qazaqstan Elshisi Satybaldy Burshaqov Izraıl Memleketi Іshki ister mınıstrliginiń halyq jáne kóshi-qon isteri jónindegi basqarmasynyń bas dırektory Shlomo Mor-Iosefpen jáne Syrtqy ister mınıstrliginiń konsýldyq qyzmet basshysy Stella Rappen kezdesti, dep habarlaıdy QazAqparat.
QR Syrtqy ister mınıstrliginen málim etkendeı, taraptar Qazaqstan Respýblıkasy men Izraıl Memleketi arasynda vızasyz kelisimge qol qoıý kelesheginiń máselelerin talqylady.
«Kelissózderdiń qorytyndysy boıynsha eki el sarapshylary daıyndaǵan Ulttyq pasporttardyń ıelerin vızalyq talaptardan bosatý týraly kelisimniń jobasyn talqylap, bekitý maqsatynda konsýltatsııalar jalǵastyrý jóninde ýaǵdalastyqqa qol jetkizildi. Eske salsaq, 2017 jyldyń 1 qańtardan bastap Qazaqstan birjaqty tártipte Ekonomıkalyq yntymaqtastyq damý uıymyna múshe memleketterdiń, sonyń ishinde Izraıl azamattary úshin vızalardy alyp tastady. Vızalardy alyp tastaý týrıstik aǵynnyń artýyna septigin tıgizdi», - delingen SІM málimetinde.