Qazaqstan men Italııanyń áskerı alpınısteri Mánshúk Mámetova shyńyn baǵyndyrmaq
Italııa Qarýly kúshteriniń alpınısterimen tájirıbe almasý aıasynda Tuıyq-Sý shatqalynan – Myńjylqy ústirti – Mánshúk Mámetova muzdyǵyna deıin, tórt myń metrge (4194 m) kóterilý josparlanyp otyr.
Jıyn Taý daıyndyǵy oqý-jattyǵý ortalyǵynda qazaqstandyq Arnaıy operatsııalyq kúshter áskerı qyzmetshileri men taýdaǵy praktıkalyq operatsııalarda tájirıbesi bar ıtalııalyq nusqaýshylardyń qatysýymen ótedi.
Atalǵan shara jaýyngerlik tapsyrmalardy oryndaý kezinde áskerı qyzmetshilerdiń taý daıyndyǵy men tózimdilik deńgeıin arttyrýǵa baǵyttalǵan. Sabaqta bólimshelerdiń taýdaǵy qozǵalysy kezindegi qaýipsizdik sharalaryna erekshe kóńil bólinetin bolady. 29 qazanda aıaqtalatyn oqý-jattyǵý jıynyna qatysýshylarǵa tıisti sertıfıkattar tabys etiledi.
Bul Qazaqstan men Italııa arasyndaǵy áskerı yntymaqtastyqtyń alǵashqy tájirıbesi emes. 2013 jyly shilde aıynda elimiz Qarýly kúshteri Qurlyq áskerleriniń bólimsheleri Italııanyń Alpi taýlarynda ótken taý bólimsheleriniń «Falzarego» oqý-jattyǵýyna qatysqanyn aıta ketý kerek.