Qazaqstan men Italııanyń bitimgerleri yntymaqtastyqty nyǵaıtýda

<p>Italııanyń Týrın qalasynda BUU-nyń bitimgerlik operatsııalary barysynda beıbitshilikti saqtaý boıynsha sarapshylardyń kelissózderi ótti. Іs-sharaǵa Qazaqstan Respýblıkasy Qorǵanys mınıstrligi Bitimgerlik operatsııalar ortalyǵynyń áskerı qyzmetshileri qatysty, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://www.gov.kz/memleket/entities/mod/press/news/details/665764?lang=kk" target="_blank" rel="noopener">QR Qorǵanys mınıstrligine</a> silteme jasap.&nbsp;</p>

Taraptar qaqtyǵystan keıingi operatsııalardyń erekshelikterin talqylap, olardyń atqaratyn qyzmetiniń nátıjeli bolýyn qamtamasyz etetin aspektilerge nazar aýdardy. 

– Qaqtyǵystardan keıingi jaǵdaıdy sheshý álemdik qoǵamdastyq úshin asa mańyzdy. Olardy sheshý gýmanıtarlyq máselelerge baılanysty bolmaq, onyń ústine bunyń bári qaýipsizdik, turaqty damý jáne adam quqyqtaryn qorǵaý salalaryna da áser etedi, - dep atap ótti QR Qorǵanys mınıstrligi Bitimgerlik operatsııalar ortalyǵynyń bastyǵy polkovnık Baýyrjan Nyǵmetýllın.

Qazaqstan men Italııa arasynda osy salada tájirıbe almasý qaqtyǵystardan keıingi jaǵdaıda qoldanatyn zamanaýı ádisterdi túsinýdi jáne ony qoldanýdy jaqsartýǵa múmkindik beredi. Bul saladaǵy yntymaqtastyq eki eldiń bitimgerlik kúshiniń tıimdiligin arttyrýǵa baǵyttalǵan jáne jahandyq qaýipsizdikke degen ortaq umtylysqa saı.