Qazaqstan men Italııa Kaspııdegi ken ornyn birlesip ıgerýge kelisti

ASTANA. QazAqparat - Kaspıı teńiziniń Qazaqstan sektoryndaǵy Abaı munaı-gaz blogynda endi qazaqstandyq jáne ıtalııalyq kompanııalar birlesip barlaý jumystaryn júrgizedi, dep habarlaıdy QazAqparat.

Caspian News basylymynyń jazýynsha, osy aptada Italııa men Qazaqstan ókilderi birneshe jobalardy ınvestıtsııalaý týraly kelisimderge qol qoıǵan.

«QazMunaıGaz» jáne Italııanyń energetıkalyq alyby sanalatyn «Eni» kompanısynyń quzyrly kompanııasy - «Eni Isatay» kelisim jasap, Energetıka mınıstrliginiń quptaýyn kútýde. Kelisim boıynsha barlaý jumystary Qazaqstannyń tıisti zańdaryna sáıkes júrgiziletin bolady», - dep jazady basylym.

Avtordyń atap ótýinshe, Abaı munaı ken orny 8-10 metr tereńdikte ornalasqan. Onda 337 mıllıon tonna qor bar dep boljanýda.

«Eni» kompanııasy 1992 jyldan beri Qazaqstanǵa 15 mıllıard dollar ınvestıtsııa saldy», - delingen aqparatta.